Për ratifikimin e protokollit për ligjin e zbatueshëm për detyrimet ushqimore

Lloji: Ligj

Fletore Zyrtare: nr. 87, datë 2024-05-23

LIGJ

Nr. 43/2024

PËR RATIFIKIMIN E PROTOKOLLIT, PËR LIGJIN E ZBATUESHËM

PËR DETYRIMET USHQIMORE

Në mbështetje të neneve 78, 81, pika 1, 83, pika 1, dhe 121, pika 1, të Kushtetutës, me propozimin e

Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet protokolli për ligjin e zbatueshëm për detyrimet ushqimore, bërë në Hagë, më 23 nëntor

2007, sipas tekstit që i bashkëlidhet këtij ligji dhe është pjesë përbërëse e tij.

Ligji nr. 10 397, datë 17.3.2011, “Për aderimin e Republikës së Shqipërisë në konventën ‘Për ligjin e

zbatueshëm për detyrimet ushqimore’”, shfuqizohet.

Neni 2

Neni 3

Ky ligj hyn në fuqi 15 ditë pas botimit në Fletoren Zyrtare.

Miratuar në datën 2.5.2024.

Shpallur me dekretin nr. 180, datë 20.5.2024, të Presidentit të Republikës së Shqipërisë,

Bajram Begaj.

PROTOKOLL

PËR LIGJIN E ZBATUESHËM PËR DETYRIMET USHQIMORE1

(lidhur më 23 nëntor 2007)

Shtetet nënshkrues të këtij Protokolli,

me dëshirën për të vendosur dispozita të përbashkëta, në lidhje me ligjin e zbatueshëm për detyrimet

ushqimore;

me dëshirën për të rinovuar këto dispozita dhe ato të Konventës së Hagës, të 24 tetorit 1956, mbi ligjin

e zbatueshëm për detyrimet ushqimore ndaj fëmijëve dhe Konventës së Hagës, të 2 tetorit 1973, për ligjin e

zbatueshëm për detyrimet ushqimore;

me dëshirën për të hartuar rregulla të përgjithshme, në lidhje me ligjin e zbatueshëm që mund të