Për ratifikimin e Konventës për marrëveshjet për zgjedhjen e gjykatës

Lloji: Ligj

Fletore Zyrtare: nr. 87, datë 2024-05-23

LIGJ

Nr. 42/2024

PËR RATIFIKIMIN E KONVENTËS PËR MARRËVESHJET

PËR ZGJEDHJEN E GJYKATËS

Në mbështetje të neneve 78, 81, pika 1, 83, pika 1, dhe 121, pika 1, të Kushtetutës, me propozimin e

Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet Konventa për Marrëveshjet për Zgjedhjen e Gjykatës, bërë në Hagë më 30 qershor 2005,

sipas tekstit që i bashkëlidhet këtij ligji dhe është pjesë përbërëse e tij.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 2.5.2024.

Shpallur me dekretin nr. 179, datë 20.5.2024, të Presidentit të Republikës së Shqipërisë,

Bajram Begaj.

KONVENTA

PËR MARRËVESHJET PËR ZGJEDHJEN E GJYKATËS1

(e lidhur më 30 qershor 2005)

Shtetet palë të kësaj Konvente,

me dëshirën për të promovuar tregtinë dhe investimin ndërkombëtar nëpërmjet bashkëpunimit

gjyqësor të përforcuar;

me besimin se ky bashkëpunim mund të përforcohet me anë të rregullave standarde për kompetencën

dhe njohjen, dhe ekzekutimin e vendimeve të huaja gjyqësore në çështje civile ose tregtare;

me besimin se ky bashkëpunim i përforcuar kërkon në veçanti regjim ligjor ndërkombëtar që ofron

siguri dhe garanton efektivitetin e marrëveshjeve ekskluzive për zgjedhjen e gjykatës ndërmjet palëve në

transaksione tregtare dhe që rregullon njohjen dhe ekzekutimin e vendimeve gjyqësore që rezultojnë nga

procese gjyqësore të bazuara në këto marrëveshje,