Për ratifikimin e marrëveshjes për bashkëpunimin ekonomik ndërmjet Këshillit të Ministrave të Republikës së Shqipërisë dhe qeverisë së Republikës së Azerbajxhanit

Lloji: Ligj

Fletore Zyrtare: nr. 95, datë 2024-06-06

LIGJ

Nr. 51/2024

PËR RATIFIKIMIN E MARRËVESHJES PËR BASHKËPUNIMIN EKONOMIK

NDËRMJET KËSHILLIT TË MINISTRAVE TË REPUBLIKËS SË SHQIPËRISË

DHE QEVERISË SË REPUBLIKËS SË AZERBAJXHANIT

Në mbështetje të neneve 78, 83, pika 1, dhe 121, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet marrëveshja për bashkëpunimin ekonomik ndërmjet Këshillit të Ministrave të Republikës

së Shqipërisë dhe qeverisë së Republikës së Azerbajxhanit, sipas tekstit që i bashkëlidhet këtij ligji dhe

është pjesë përbërëse e tij.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 16.5.2024.

Shpallur me dekretin nr. 208, datë 31.5.2024, të Presidentit të Republikës së Shqipërisë,

Bajram Begaj.

MARRËVESHJE

PËR BASHKËPUNIMIN EKONOMIK NDËRMJET KËSHILLIT TË MINISTRAVE TË

REPUBLIKËS SË SHQIPËRISË DHE QEVERISË SË REPUBLIKËS SË AZERBAJXHANIT

Këshilli i Ministrave i Republikës së Shqipërisë (në vijim i referuar edhe si “QSH”) dhe qeveria e

Republikës së Azerbajxhanit, në vijim të referuara bashkërisht si “Palët” dhe individualisht si “Palë”,

“Shqipëri” ose “Azerbajxhan”;

duke konfirmuar se palët kanë marrëdhënie të gjata miqësore dhe të frytshme, dhe kërkojnë të forcojnë

bashkëpunimin dypalësh në disa sektorë ekonomikë;

duke theksuar se palët synojnë, nëpërmjet kësaj marrëveshjeje për bashkëpunim ekonomik, që të