PËR RATIFIKIMIN E MARRËVESHJES SHTESË TË KONVENTËS EUROPIANE TË 21 MARSIT 1983 “PËR TRANSFERIMIN E PERSONAVE TË DËNUAR” NDËRMJET REPUBLIKËS SË SHQIPËRISË DHE REPUBLIKËS SË ITALISË

Lloji: Ligj

Fletore Zyrtare: nr. 5, datë 2004-02-19

LIGJ

Nr.9169, datë 22.1.2004

PËR RATIFIKIMIN E MARRËVESHJES SHTESË TË KONVENTËS EUROPIANE TË 21

MARSIT 1983 “PËR TRANSFERIMIN E PERSONAVE TË DËNUAR” NDËRMJET

REPUBLIKËS SË SHQIPËRISË DHE REPUBLIKËS SË ITALISË

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOS I:

Neni 1

Ratifikohet Marrëveshja shtesë e Konventës Europiane të 21 marsit 1983 “Për transferimin e

personave të dënuar” ndërmjet Republikës së Shqipërisë dhe Republikës së Italisë”.

Neni 2

Ky ligj hyn në fuqi 15 ditë pas botimit në Fletoren Zyrtare

.

Shpallur me dekretin nr.4123, datë 9.2.2004 të Presidentit të Republikës së Shqipërisë, Alfred

Moisiu

MARRËVESHJE

SHTESË E KONVENTËS MBI TRANSFERIMIN E PERSONAVE TË DËNUAR

TË 21 MARSIT 1983

Republika e Shqipërisë dhe Republika Italiane:

duke dashur të intensifikojnë dhe të lehtësojnë bashkëpunimin në marrëdhëniet ndërmjet dy

shteteve në zbatimin e Konventës Europiane mbi transferimin e personave të dënuar të 21 marsit 1983

(e përmendur më poshtë si "Konventa");

duke konsideruar të përshtatshëm plotësimin e Konventës në disa pika, me qëllim shtrirjen e

zbatimit edhe me forma të tjera të ekzekutimit të vendimeve gjyqësore penale,

kanë rënë dakord si më poshtë:

Neni 1

1. Termat dhe shprehjet e përdorura në këtë Marrëveshje duhen interpretuar sipas Konventës.