Për ratifikimin e memorandumit të mirëkuptimit ndërmjet qeverisë së Republikës së Shqipërisë (Këshilli i Ministrave) dhe qeverisë së Shteteve të Bashkuara të Amerikës për programin e shkëmbimit akademik “Fulbright"

Lloji: Ligj

Fletore Zyrtare: nr. 95, datë 2024-06-06

LIGJ

Nr. 49/2024

PËR RATIFIKIMIN E MEMORANDUMIT TË MIRËKUPTIMIT NDËRMJET

QEVERISË SË REPUBLIKËS SË SHQIPËRISË (KËSHILLI I MINISTRAVE) DHE

QEVERISË SË SHTETEVE TË BASHKUARA TË AMERIKËS PËR PROGRAMIN

E SHKËMBIMIT AKADEMIK “FULBRIGHT”

Në mbështetje të neneve 78, 83, pika 1, dhe 121, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet memorandumi i mirëkuptimit ndërmjet qeverisë së Republikës së Shqipërisë (Këshilli i

Ministrave) dhe qeverisë së Shteteve të Bashkuara të Amerikës për programin e shkëmbimit akademik

“Fulbright” sipas tekstit që i bashkëlidhet këtij ligji dhe është pjesë përbërëse e tij.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 16.5.2024.

Shpallur me dekretin nr. 207, datë 31.5.2024 të Presidentit të Republikës së Shqipërisë, Bajram

Begaj.

MEMORANDUM MIRËKUPTIMI

NDËRMJET QEVERISË SË REPUBLIKËS SË SHQIPËRISË (KËSHILLI I MINISTRAVE)

DHE QEVERISË SË SHTETEVE TË BASHKUARA TË AMERIKËS

PËR PROGRAMIN E SHKËMBIMIT AKADEMIK “FULBRIGHT”

Qeveria e Republikës së Shqipërisë (Këshilli i Ministrave) dhe qeveria e Shteteve të Bashkuara të

Amerikës (në vijim të referuar së bashku si “Pjesëmarrësit” dhe në njëjës referuar përkatësisht si

“Pjesëmarrësi shqiptar” dhe “Pjesëmarrësi amerikan”);

me dëshirën për të zhvilluar bashkëpunimin ndërmjet institucioneve arsimore, shkencore dhe