PËR DISA NDRYSHIME DHE SHTESA NË LIGJIN NR.8530, DATË 23.9.1999 "PËR SHËRBIMIN POSTAR NË REPUBLIKËN E SHQIPËRISË"

Lloji: Ligj

Fletore Zyrtare: nr. 35, datë 2004-06-07

LIGJ

Nr.9223, datë 29.4.2004

PËR DISA NDRYSHIME DHE SHTESA NË LIGJIN NR.8530, DATË 23.9.1999 "PËR

SHËRBIMIN POSTAR NË REPUBLIKËN E SHQIPËRISË"

Në mbështetje të neneve 78 dhe 83 pika 1 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr.8530, datë 23.9.1999 "Për shërbimin postar në Republikën e Shqipërisë ", bëhen

këto ndryshime dhe shtesa:

Neni 1

Në nenin 3 bëhen këto ndryshime e shtesa:

1. Pika 14 e nenit 3 ndryshohet si më poshtë:

"14. "Shërbime të rezervuara" nënkupton shërbimet e kryera ekskluzivisht nga operatori

publik i postave, për të përmbushur detyrimin e shërbimit bazë për pranimin, përpunimin, transportin

dhe dorëzimin e objekteve të korrespondencës së brendshme, me çmim dhe kufi peshe, siç përcaktohet

në vendimin e Këshillit të Ministrave.".

2. Pas pikës 18 shtohen pikat 19 dhe 20 si më poshtë:

"19. "Licencë individuale" nënkupton të drejtën që i jepet çdo subjekti juridik, vendas ose i

huaj, që plotëson kërkesat e legjislacionit shqiptar për shërbimet postare, për ofrimin e shërbimeve të

tjera nga ato të rezervuara, që përfshihen në shërbimin bazë postar.

20. "Licencë e përgjithshme" nënkupton të drejtën që i jepet çdo subjekti fizik ose juridik,

vendas apo i huaj, që plotëson kërkesat e legjislacionit shqiptar për shërbimet postare, për ofrimin e