PËR NJË SHTESË NË LIGJIN NR.8894, DATË 14.5.2002 “PËR AGJENCINË E TRAJTIMIT TË KREDIVE”, I NDRYSHUAR

Lloji: Ligj

Fletore Zyrtare: nr. 47, datë 2004-07-13

LIGJ

Nr.9239, datë 10.6. 2004

PËR NJË SHTESË NË LIGJIN NR.8894, DATË 14.5.2002 “PËR AGJENCINË E TRAJTIMIT TË KREDIVE”, I NDRYSHUAR

Në mbështetje të neneve 78 dhe 83 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr.8894, datë 14.5.2002 "Për Agjencinë e Trajtimit të Kredive”, i ndryshuar, bëhet shtesa si më poshtë:

Neni 1

Pas nenit 22 shtohet neni 22/1 me këtë përmbajtje:

“Neni 22/1

1. Detyrimet e ndërmarrjeve shtetërore të privatizuara dhe të dhëna me koncesion, sipas akteve ligjore dhe nënligjore në fuqi, si dhe detyrimet e ish-ndërmarrjeve shtetërore, që nuk ekzistojnë dhe pa dokumentacion, që përcaktohen në aneksin 1 bashkëlidhur këtij ligji, fshihen nga bilanci i Agjencisë së Trajtimit të Kredive.

2. Detyrimet e mësipërme me vlerë të përgjithshme 6 063 088 mijë lekë kalojnë në pakësim të detyrimeve të Agjencisë së Trajtimit të Kredive ndaj Ministrisë së Financave”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.4265, datë 8.7.2004 të Presidentit të Republikës së Shqipërisë, Alfred Moisiu