PËR ANËTARËSIMIN E REPUBLIKËS SË SHQIPËRISË NË NISMËN E EUROPËS QENDRORE (NEQ)

Lloji: Ligj

Fletore Zyrtare: nr. 48, datë 2004-07-15

LIGJ

Nr.9236, datë 10.6.2004

PËR ANËTARËSIMIN E REPUBLIKËS SË SHQIPËRISË NË NISMËN E EUROPËS QENDRORE (NEQ)

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Miratohet anëtarësimi i Republikës së Shqipërisë në Nismën e Europës Qendrore (NEQ).

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.4262, datë 8.7.2004 të Presidentit të Republikës së Shqipërisë, Alfred Moisiu

UDHËZIME DHE KODI I PROCEDURËS SË NISMËS TË EUROPËS QENDRORE

I. PARIMET DHE OBJEKTIVAT

Neni 1

Nisma e Europës Qendrore është një forum rajonal për bashkëpunimin dhe konsultimin ndërmjet shteteve anëtare të saj.

Shtetet anëtare të Nismës së Europës Qendrore janë: Shqipëria, Austria, Bjellorusia, Bosnja dhe Hercegovina, Bullgaria, Kroacia, Republika Çeke, Hungaria, Italia, Maqedonia, Moldavia, Polonia, Rumania, Sllovakia, Sllovenia, Ukraina, Republika Federale e Jugosllavisë.

Neni 2

Shtetet anëtare të Nismës së Europës Qendrore udhëhiqen nga parimet e Kartës së OKB-së, me të gjitha dokumentet e procesit të Helsinkit/OSBE. Ato udhëhiqen, gjithashtu nga deklaratat dhe dokumentet përfundimtare të mbledhjeve të kryetarëve të qeverive dhe të ministrave të jashtëm të Nismës së Europës Qendrore (përfshirë edhe nismat pararendëse si: katërpalëshe, pesëpalëshe, gjashtëpalëshe).

Neni 3