PËR DISA SHTESA DHE NDRYSHIME NË LIGJIN NR.7905, DATË 21.3.1995, “KODI I PROCEDURËS PENALE I REPUBLIKËS SË SHQIPËRISË”, I NDRYSHUAR

Lloji: Ligj

Fletore Zyrtare: nr. 69, datë 2004-10-07

LIGJ

Nr.9276, datë 16.9.2004

PËR DISA SHTESA DHE NDRYSHIME NË LIGJIN NR.7905, DATË 21.3.1995, “KODI I

PROCEDURËS PENALE I REPUBLIKËS SË SHQIPËRISË”, I NDRYSHUAR

Në mbështetje të neneve 81 pikat 1 e 2 shkronja “d” dhe 83 pika 1 të Kushtetutës, me

propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin 7905, datë 21.3.1995 “Kodi i Procedurës Penale i Republikës së Shqipërisë”, i

ndryshuar, bëhen këto shtesa dhe ndryshime:

Neni 1

Pikat 2 dhe 3 të nenit 13 ndryshohen si më poshtë:

“2. Në gjykatat e shkallës së parë gjykohen nga një gjyqtar:

a) kërkesat e palëve gjatë hetimeve paraprake;

b) kërkesat për ekzekutimin e vendimeve;

c) kërkesat për marrëdhëniet juridiksionale me autoritetet e huaja.

3. Gjykatat e rretheve gjyqësore dhe ato ushtarake gjykojnë me një gjyqtar veprat penale, për

të cilat parashikohet dënim me gjobë ose me burgim në maksimum jo më shumë se 7 vjet. Veprat e

tjera penale gjykohen me trup gjykues të përbërë nga tre gjyqtarë.

Gjykatat për krimet e rënda gjykojnë me trup gjykues të përbërë nga pesë gjyqtarë, me

përjashtim të kërkesave të parashikuara në pikën 2 të këtij neni, që shqyrtohen nga një gjyqtar.”.

Neni 2

Pika 3 e nenit 14 ndryshohet si më poshtë:

“3. Gjykata e apelit për krimet e rënda shqyrton në shkallë të dytë, me trup gjykues të përbërë