PËR KRITERET E PRANIMIT, KARRIERËN DHE NDËRPRERJEN E SAJ NË SHËRBIMIN INFORMATIV USHTARAK

Lloji: Ligj

Fletore Zyrtare: nr. 88, datë 2004-12-03

LIGJ

Nr.9295, datë 21.10.2004

PËR KRITERET E PRANIMIT, KARRIERËN DHE NDËRPRERJEN E SAJ NË

SHËRBIMIN INFORMATIV USHTARAK

Në mbështetje të neneve 78 dhe 83 pika 1 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Objekti

Ky ligj përcakton kriteret e pranimit, karrierën dhe ndërprerjen e saj për punonjësit e

Shërbimit Informativ Ushtarak (SHIU).

Neni 2

Përkufizime

Në kuptim të këtij ligji, termat e mëposhtëm nënkuptojnë:

1. "Punonjës i SHIU -t" është shtetasi shqiptar, ushtarak ose civil, që ka arsimin dhe

kualifikimin përkatës, sipas kritereve të këtij ligji dhe është i punësuar në strukturat e SHIU-t.

2. "Oficer i SHIU-t" është oficeri aktiv i Forcave të Armatosura të Republikës së Shqipërisë, i

cili punon në strukturat e SHIU-t dhe ka kualifikimin e nevojshëm, sipas kritereve të këtij ligji.

3. "Nënoficer i SHIU-t" është nënoficeri aktiv ose shtetasi, që plotëson kriteret për t'u pranuar

si nënoficer në Forcat e Armatosura të Republikës së Shqipërisë, punon në strukturat e SHIU -t dhe ka

kualifikimin e nevojshëm, sipas kritereve të këtij ligji.

4. "Personel civil i SHIU -t" është shtetasi shqiptar me arsim të lartë, i cili punon në

strukturat e SHIU-t dhe ka kualifikimin e nevojshëm, sipas kritereve të këtij ligji.

KREU II

PRANIMI I PERSONELIT CIVIL

Neni 3

Kriteret e pranimit