PËR RATIFIKIMIN E “MARRËVESHJES SË KONCESIONIT, TË FORMËS “BOT” (NDËRTIM, SHFRYTËZIM, TRANSFERIM), PËR NDËRTIMIN DHE SHFRYTËZIMIN E PONTILIT TË NAFTËS, GAZIT DHE NËNPRODUKTEVE TË TYRE NË ZONËN BREGDETARE TË PORTO-ROMANOS, DURRËS”

Lloji: Ligj

Fletore Zyrtare: nr. 88, datë 2004-12-03

6307

LIGJ

Nr.9298, datë 28.10.2004

PËR RATIFIKIMIN E “MARRËVESHJES SË KONCESIONIT, TË FORMËS “BOT”

(NDËRTIM, SHFRYTËZIM, TRANSFERIM), PËR NDËRTIMIN DHE SHFRYTËZIMIN E

PONTILIT TË NAFTËS, GAZIT DHE NËNPRODUKTEVE TË TYRE NË ZONËN

BREGDETARE TË PORTO-ROMANOS, DURRËS”

Në mbështetje të neneve 78, 83 pika 1 dhe 155 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Marrëveshja e koncesionit, e formës “BOT” (ndërtim, shfrytëzim, transferim),

për ndërtimin dhe shfrytëzimin e pontilit të naftës, gazit dhe nënprodukteve të tyre në zonën

bregdetare të Porto -Romanos, Durrës”, të negociuar e nënshkruar ndërmjet Këshillit të Ministrave të

Republikës së Shqipërisë dhe shoqërisë “Romano Port” sha, sipas tekstit që i bashkëlidhet këtij ligji.

Neni 2

Shoqëria “Romano Port” sha përjashtohet nga të gjitha taksat dhe detyrimet doganore për

importimin e materialeve, pajisjeve, instrumenteve teknike, që do të përdoren për ndërtimin e pontilit

dhe të infrastrukturës përkatëse, sipas projektit të miratuar. Përjashtimi nga taksat dhe detyrimet

doganore mbaron me përfundimin e ndërtimit të objektit.

Neni 3

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.4397 , datë 17.11.2004 të Presidentit të Republikës së Shqipërisë,

Alfred Moisiu