PËR RATIFIKIMIN E “MARRËVESHJES NDËRMJET REPUBLIKËS SË SHQIPËRISË DHE REPUBLIKËS SË BULLGARISË PËR NDIHMË TË NDËRSJELLË JURIDIKE NË ÇËSHTJET CIVILE”

Lloji: Ligj

Fletore Zyrtare: nr. 19, datë 2005-03-26

LIGJ

Nr.9348, datë 24.2.2005

PËR RATIFIKIMIN E “MARRËVESHJES NDËRMJET REPUBLIKËS SË SHQIPËRISË DHE REPUBLIKËS SË BULLGARISË PËR NDIHMË TË NDËRSJELLË JURIDIKE NË ÇËSHTJET CIVILE”

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Marrëveshja ndërmjet Republikës së Shqipërisë dhe Republikës së Bullgarisë për ndihmë të ndërsjellë juridike në çështjet civile”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.4503, datë 10.3.2005 të Presidentit të Republikës së Shqipërisë, Alfred Moisiu

MARRËVESHJE

PËR NDIHMË TË NDËRSJELLË JURIDIKE NË ÇËSHTJET CIVILE

NDËRMJET REPUBLIKËS SË SHQIPËRISË DHE REPUBLIKËS SË BULLGARISË

Republika e Shqipërisë dhe Republika e Bullgarisë, të cilat këtu quhen “Palët Kontraktuese”,

me dëshirën për të vendosur një bashkëpunim më të ngushtë në fushën e marrëdhënieve juridike dhe duke pasur respekt reciprok për sovranitetin e tyre, kanë vendosur t’i ofrojnë njëra-tjetrës ndihmë të ndërsjellë juridike në çështjet civile dhe kanë rënë dakord si më poshtë:

KAPITULLI 1

DISPOZITA TË PËRGJITHSHME

Neni 1

Mbrojtja ligjore