PËR RATIFIKIMIN E “KONVENTËS “PËR PJESËMARRJEN E TË HUAJVE NË JETËN PUBLIKE, NË NIVEL LOKAL””

Lloji: Ligj

Fletore Zyrtare: nr. 29, datë 2005-05-03

LIGJ

Nr.9364, datë 31.3.2005

PËR RATIFIKIMIN E “KONVENTËS “PËR PJESËMARRJEN

E TË HUAJVE NË JETËN PUBLIKE, NË NIVEL LOKAL””

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Konventa “Për pjesëmarrjen e të huajve në jetën publike, në nivel lokal””.

Neni 2

Në përputhje me pikën 1 të nenit 1 të Konventës, Republika e Shqipërisë deklaron se rezervon të drejtën të mos zbatojë dispozitat e kapitullit “C” të Konventës.

Neni 3

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.4538, datë 13.4.2005 të Presidentit të Republikës së Shqipërisë Alfred Moisiu

KONVENTA

PËR PJESËMARRJEN E TË HUAJVE NË JETËN PUBLIKE NË NIVEL LOKAL

Hyrje

Shtetet anëtare të Këshillit të Europës, nëshkruese këtu,

duke pasur parasysh se qëllimi i Këshillit të Europës është të arrijë në një unitet sa më të madh mes anëtarëve të saj, me qëllim mbrojtjen dhe realizimin e idealeve dhe parimeve, të cilat janë trashëgimi e përbashkët, si dhe lehtësimin e progresit ekonomik e social duke respektuar ndërkohë të drejtat e njeriut dhe liritë themelore;

duke ripohuar përkushtimin e tyre ndaj natyrës së përgjithshme dhe të pandashme të të drejtave të njeriut dhe lirive themelore, bazuar në dinjitetin e qenieve njerëzore;