PËR EFIÇENCËN E ENERGJISË

Lloji: Ligj

Fletore Zyrtare: nr. 39, datë 2005-06-06

LIGJ

Nr.9379, datë 28.4.2005

PËR EFIÇENCËN E ENERGJISË

Në mbështetje të neneve 78 dhe 83 pika 1 të Kushtetutës, me pro pozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Qëllimi

Qëllimi i këtij ligji është hartimi i kuadrit ligjor të nevojshëm për nxitjen dhe përmirësimin e

efiçencës së përdorimit të energjisë gjatë gjithë ciklit.

Neni 2

Objekti

Ky ligj përcakton mënyrën e përdorimit ekonomik të burimeve të energjisë, krijimin e

kushteve të qëndrueshme të furnizimit me energji, si dhe uljen e ndikimit të dëmshëm në mjedis.

Neni 3

Përkufizime

Në kuptim të këtij ligji, termat e mëposhtëm kanë këtë kuptim:

1. “Efiçenca e përdorimit të energjisë” është raporti në përqin dje i energjisë në dalje me

energjinë në hyrje, në të njëjtin sistem energjetik.

2. “Ministri” është Ministri i Industrisë dhe i Energjetikës ose ministri përgjegjës për

energjinë.

3. “Agjencia Kombëtare e Energjisë” është struktura përkatëse e ngritur sipas legjislacionit në

fuqi.

4. “Konsumator i madh i energjisë” është konsumatori që ka kon sum vjetor të energjisë më të

madh se 1 GWh energji elektrike dhe/ose 36 toe qymyr dhe/ose 15 0 tonë nënprodukte nafte dhe/ose

100 000 m3 N gaz natyror dhe/ose që e ka konsumin e përgjithshëm të energjisë më shumë se 36 toe.