PËR ORGANIZIMIN DHE FUNKSIONIMIN E KONFERENCËS GJYQËSORE KOMBËTARE

Lloji: Ligj

Fletore Zyrtare: nr. 45, datë 2005-06-14

LIGJ

Nr.9399, datë 12.5.2005

PËR ORGANIZIMIN DHE FUNKSIONIMIN E KONFERENCËS GJYQËSORE KOMBËTARE

Në mbështetje të neneve 78, 81 pika 1 dhe 83 të Kushtetutës, me propozimin e një grupi deputetesh,

KUVENDI

I REPUBLIKËS SË SHQIPËRISË

VENDOSI:

Neni 1

Konferenca Gjyqësore Kombëtare e Shqipërisë

1. Konferenca Gjyqësore Kombëtare e Shqipërisë (KGJK) është organi përfaqësues i gjyqtarëve të të gjitha niveleve të Republikës së Shqipërisë. KGJK-ja zgjidhet nga Konferencat Gjyqësore Rajonale (KGJR), siç parashikohet në nenin 4 të këtij ligji.

2. KGJK-ja është person juridik.

3. Buxheti i KGJK-së përfshihet në buxhetin e gjykatave dhe administrohet nga Zyra e Administrimit të Buxhetit Gjyqësor.

Neni 2

Kompetencat

KGJK-ja ka këto kompetenca:

a) zgjedh anëtarët e Këshillit të Lartë të Drejtësisë (KLD), në përputhje me nenin 147 pika 1 të Kushtetutës;

b) mbron pavarësinë e pushtetit gjyqësor, parashikuar nga neni 145 pika 1 i Kushtetutës;

c) përcakton drejtimet kryesore të veprimtarisë së gjykatave, në përputhje me nenin 135 pika 1 të Kushtetutës;

ç) paraqet propozime e rekomandime tek autoritetet përkatëse shtetërore, sipas rastit, për një administrim të paanshëm dhe efikas të gjykatave të Shqipërisë, siç parashikohet në nenin 135 pika 1 të Kushtetutës;

d) bën propozime për përmirësimin e kuadrit ligjor dhe institucional të pushtetit gjyqësor, në përputhje me Kushtetutën.

Neni 3

Funksionimi i KGJK-së