PËR RATIFIKIMIN E “MARRËVESHJES SË KREDISË NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE BANKËS PËR ZHVILLIM TË KËSHILLIT TË EUROPËS (CEB), PËR FINANCIMIN E FAZËS SË PARË TË QENDRËS SPITALORE UNIVERSITARE “NËNË TEREZA”, TIRANË”

Lloji: Ligj

Fletore Zyrtare: nr. 51, datë 2005-06-23

LIGJ

Nr.9412, datë 20.5.2005

PËR RATIFIKIMIN E “MARRËVESHJES SË KREDISË NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE BANKËS PËR ZHVILLIM TË KËSHILLIT TË EUROPËS (CEB), PËR FINANCIMIN E FAZËS SË PARË TË QENDRËS SPITALORE UNIVERSITARE “NËNË TEREZA”, TIRANË”

Në mbështetje të neneve 78, 83 pika 1 dhe 121 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Marrëveshja e kredisë ndërmjet Këshillit të Ministrave të Republikës së Shqipërisë dhe Bankës për Zhvillim të Këshillit të Europës (CEB), për financimin e fazës së parë të Qendrës Spitalore Universitare “Nënë Tereza”, Tiranë”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.4618, datë 6.6.2005 të Presidentit të Republikës së Shqipërisë, Alfred Moisiu

MARRËVESHJE KUADËR KREDIE

NDËRMJET BANKËS PËR ZHVILLIM TË KËSHILLIT TË EUROPËS DHE KËSHILLIT TË MINISTRAVE QË PËRFAQËSON REPUBLIKËN E SHQIPËRISË PËR FAZËN E PARË TË PROJEKTIT TË QENDRËS SPITALORE UNIVERSITARE “NËNË TEREZA”, TIRANË

F/P 1515 (2005)

Banka për Zhvillim e Këshillit të Europës, organizatë ndërkombëtare, Paris (këtej e tutje e quajtur CEB), nga njëra anë,

dhe

Këshilli i Ministrave që përfaqëson Republikën e Shqipërisë, përfaqësuar nga Ministria e Financave (këtej e tutje e quajtur Huamarrësi),