Për një ndryshim në ligjin nr.7819, datë 27.4.1994 “Për pronësinë industriale”, të ndryshuar

Lloji: Ligj

Fletore Zyrtare: nr. 48, datë 2006-05-17

LIGJ

Nr.9525, datë 25.4.2006

PËR NJË NDRYSHIM NË LIGJIN NR.7819, DATË 27.4.1994

“PËR PRONËSINË INDUSTRIALE”, TË NDRYSHUAR

Në mbështetje të neneve 78 dhe 83 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOS I:

Neni 1

Në ligjin nr. 7819, datë 27.4.1994 “Për pronësinë industriale”, të ndryshuar, neni 94 ndryshohet si

më poshtë:

“Neni 94

Drejtoria e Patentave dhe Markave

1. Drejtoria e Patentave dhe Markave është institucion publik në varësi të Ministrit të Ekonomisë,

Tregtisë dhe Energjetikës. Drejtori është përfaqësuesi i saj në marrëdhënie me të tretët.

2. Struktura dhe organika e Drejtorisë së Patentave dhe Markave përcaktohen me urdhër të

Kryeministrit, me propozimin e Ministrit të Ekonomisë, Tregtisë dhe Energjetikës.

3. Veprimtaria e Drejtorisë së Patentave dhe Markave përcaktohet dhe rregullohet me këtë ligj dhe

me aktet nënligjore në zbatim të tij.

4. Drejtori i Drejtorisë së Patentave dhe Markave emërohet dhe lirohet nga Ministri i Ekonomisë,

Tregtisë dhe Energjetikës.”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.4867, datë 10.5.2006 të Presidentit të Republikës së Shqipërisë,

Alfred Moisiu