Për faljen e kamatëvonesave të kontributeve të sigurimeve të detyrueshme shoqërore, të papaguara, të ndërmarrjeve dhe shoqërive me kapital tërësisht shtetëror të ujësjellës-kanalizimeve

Lloji: Ligj

Fletore Zyrtare: nr. 56, datë 2006-06-08

LIGJ

Nr.9535, datë 15.5.2006

PËR FALJEN E KAMATËVONESAVE TË KONTRIBUTEVE TË SIGURIMEVE TË

DETYRUESHME SHOQËRORE, TË PAPAGUARA, TË NDËRMARRJEVE DHE

SHOQËRIVE ME KAPITAL TËRËSISHT SHTETËROR TË UJËSJELLËS-

KANALIZIMEVE

Në mbështetje të neneve 78 dhe 83 pika 1 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOS I:

Neni 1

Ndërmarrjeve dhe shoqërive me kapital tërësisht shtetëror të ujësjellës-kanalizimeve u

falen kamatëvonesat e kontributeve të sigurimeve të detyrueshme shoqërore, të papaguara deri më

datë 31.12.2005, me kusht që detyrimet për kontributet të arkëtohen brenda datës 31.12.2006.

Kamatëvonesat e papaguara falen edhe kur kontributet për sigurimet e detyrueshme

shoqërore janë paguar para hyrjes në fuqi të këtij ligji.

Neni 2

Ekzekutimi i vendimeve të gjykatave, që kanë marrë formë të prerë deri në datën e hyrjes

në fuqi të këtij ligji, pushohet për pjesën e kamatëvonesave të kontributeve të sigurimeve të

detyrueshme shoqërore të papaguara, të cilat falen me këtë ligj.

Neni 3

Kamatëvonesat e kontributeve për sigurimet e detyrueshme shoqërore të paguara para

hyrjes në fuqi të këtij ligji nuk kthehen.

Neni 4

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.4898, datë 2.6.2006 të Presidentit të Republikës së Shqipërisë,

Alfred Moisiu