Për disa shtesa dhe ndryshime në ligjin nr.8701, datë 1.12.2000 “Për lojërat e fatit, kazinotë dhe hipodromet”, të ndryshuar

Lloji: Ligj

Fletore Zyrtare: nr. 75, datë 2006-07-12

LIGJ

Nr.9567, datë 19.6.2006

PËR DISA SHTESA DHE NDRYSHIME NË LIGJIN NR.8701, DATË 1.12.2000 “PËR LOJËRAT E FATIT, KAZINOTË DHE HIPODROMET”, TË NDRYSHUAR

Në mbështetje të neneve 78 dhe 83 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr.8701, datë 1.12.2000 “Për lojërat e fatit, kazinotë dhe hipodromet”, të ndryshuar, bëhen këto shtesa dhe ndryshime:

Neni 1

Kudo në ligj fjalët “Ministri i Financave” zëvendësohen me fjalët “ministri përgjegjës për ekonominë”; fjalët “Ministria e Financave” zëvendësohen me fjalët “ministria përgjegjëse për ekonominë”; fjalët “Ministria e Rendit Publik” zëvendësohen me fjalët “ministria përgjegjëse për rendin publik”.

Neni 2

Neni 4 ndryshohet si më poshtë:

“Neni 4

Për shqyrtimin e kërkesave për licencimin e lojërave të fatit, kazinotë dhe hipodromet krijohet Komiteti i Lojërave të Fatit, si një strukturë ad hoc, pranë ministrit përgjegjës për ekonominë. Përbërja, përgjegjësitë dhe mënyra e organizimit të këtij Komiteti përcaktohen me vendim të Këshillit të Ministrave.”.

Neni 3

Neni 5 shfuqizohet.

Neni 4

Pika 2 e nenit 11 ndryshohet si më poshtë:

“2. Organizatori i lojës së fatit duhet të bëjë kërkesë me shkrim në ministrinë përgjegjëse për ekonominë për rinovimin e lejes, të paktën 6 muaj përpara mbarimit të afatit të lejes së dhënë.”.

Neni 5

Neni 12 ndryshohet si më poshtë:

“Neni 12