Për ratifikimin e konventës nr.143 “Për punëtorët migrantë (Dispozita plotësuese), 1975” të Organizatës Ndërkombëtare të Punës, bërë në Gjenevë

Lloji: Ligj

Fletore Zyrtare: nr. 75, datë 2006-07-12

LIGJ

Nr.9564, datë 19.6.2006

PËR RATIFIKIMIN E KONVENTËS NR.143 “PËR PUNËTORËT MIGRANTË (DISPOZITA PLOTËSUESE), 1975” TË ORGANIZATËS NDËRKOMBËTARE TË PUNËS, BËRË NË GJENEVË

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet Konventa nr.143 “Për punëtorët migrantë (dispozita plotësuese), 1975” të Organizatës Ndërkombëtare të Punës, bërë në Gjenevë.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.4961, datë 5.7.2006 të Presidentit të Republikës së Shqipërisë, Alfred Moisiu

C143 KONVENTA PËR PUNËTORËT MIGRANTË (DISPOZITA PLOTËSUESE) 1975

Konventa për Migrimet në Kushte Abuzive dhe mbi Nxitjen e Barazisë së Mundësive dhe të Trajtimit të Punëtorëve Migrantë:

Data e hyrjes në fuqi: 9.12.1978

Konventa: C143, miratuar më 24.06.1975 në Gjenevë.

Sesioni i Konferencës: 60

Klasifikimi i subjektit: Punëtorët migrantë

Konferenca e Përgjithshme e Organizatës Ndërkombëtare të Punës

E mbajtur në Gjenevë nga Këshilli Drejtues i Zyrës Ndërkombëtare të Punës dhe pasi u mblodh në sesionin e gjashtëdhjetë të saj më 4 qershor 1975,

duke marrë parasysh se parathënia e Kushtetutës së Organizatës Ndërkombëtare të Punës i ngarkon kësaj të fundit detyrën e mbrojtjes së interesave të punëtorëve kur nuk janë punësuar në vendin e tyre;