Për disa shtesa dhe ndryshime në ligjin nr.8982, datë 12.12.2002 “Për sistemin e taksave vendore”, të ndryshuar

Lloji: Ligj

Fletore Zyrtare: nr. 81, datë 2006-08-02

LIGJ

Nr.9581, datë 13.7.2006

PËR DISA SHTESA DHE NDRYSHIME NË LIGJIN NR.8982, DATË 12.12.2002 “PËR SISTEMIN E TAKSAVE VENDORE”, TË NDRYSHUAR

Në mbështetje të neneve 78, 83 pika 1 dhe 155 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr.8982, datë 12.12.2002 “Për sistemin e taksave vendore”, të ndryshuar, bëhen këto shtesa dhe ndryshime:

Neni 1

Pas shkronjës “ç” të nenit 8 shtohet shkronja “d” me këtë përmbajtje:

“d) taksa mbi kalimin e së drejtës së pronësisë për pasuritë e paluajtshme;”.

Neni 2

Pas nenit 16 shtohen nenet 17 e 18 me këtë përmbajtje:

“Neni 17

Taksa mbi kalimin e së drejtës së pronësisë për pasuritë e paluajtshme

1. Taksa mbi kalimin e së drejtës së pronësisë për pasuritë e paluajtshme vendoset për ndërtesat dhe të gjitha pasuritë e paluajtshme në çastin e kalimit të së drejtës së pronësisë mbi to. Taksa paguhet nga personi, që kalon të drejtën e pronësisë mbi pasuritë e paluajtshme, para kryerjes së regjistrimit, në përputhje me aktet ligjore në fuqi.