Për aderimin e Republikës së Shqipërisë në Konventën Ndërkombëtare kundër dopingut në sport, 2005

Lloji: Ligj

Fletore Zyrtare: nr. 118, datë 2006-11-17

LIGJ

Nr.9623, datë 16.10.2006

PËR ADERIMIN E REPUBLIKËS SË SHQIPËRISË NË KONVENTËN NDËRKOMBËTARE

KUNDËR DOPINGUT NË SPORT, 2005

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Republika e Shqipërisë aderon në Konventën Ndërkombëtare kundër dopingut në sport, 2005.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.5097, datë 2.11.2006 të Presidentit të Republikës së Shqipërisë, Alfred

Moisiu

KONVENTA NDËRKOMBËTARE

KUNDËR DOPINGUT NË SPORT, 2005

Paris, 19 tetor 2005

Konferenca e Përgjithshme e Organizatës Kulturore, Shkencore dhe Arsimore e Kombeve të

Bashkuara, që këtu quhet “UNESCO”, që mbahet në Paris nga 3 deri 21 tetor 2005, në sesionin e saj të

33-të:

- duke pasur parasysh se qëllimi i UNESCO -s është të kontribuojë për paqen dhe sigurinë

duke nxitur bashkëpunimin ndërmjet kombeve me anë të arsimit, shkencës dhe kulturës;

- duke iu referuar instrumenteve ekzistuese ndërkombëtare që kanë të bëjnë me të drejtat e

njeriut;

- duke ditur rezolutën 58/5 të miratuar nga Asambleja e Përgjithshme e Kombeve të

Bashkuara më 3 nëntor 2003, në lidhje me sportet, si një mjet për nxitjen e arsimit, shëndetit,

zhvillimit dhe paqes, siç është paragrafi 7 i saj;