Për ratifikimin e protokollit nr.13 të Konventës Europiane për Mbrojtjen e të Drejtave të Njeriut dhe Lirive Themelore për heqjen e dënimit me vdekje në të gjitha rrethanat

Lloji: Ligj

Fletore Zyrtare: nr. 127, datë 2006-12-06

LIGJ

Nr.9639, datë 9.11.2006

PËR RATIFIKIMIN E PROTOKOLLIT NR.13 TË KONVENTËS EUROPIANE PËR

MBROJTJEN E TË DREJTAVE TË NJERIUT DHE LIRIVE THEMELORE PËR HEQJEN E

DËNIMIT ME VDEKJE NË TË GJITHA RRETHANAT

Në mbështetje të neneve 78, 83 pika 1 dhe 121 të Kus htetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet Protokolli nr.13 i Konventës Europiane për mbrojtjen e të drejtave të njeriut dhe lirive

themelore për heqjen e dënimit me vdekje në të gjitha rrethanat.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.5129, datë 1.12.2006 të Presidentit të Republikës së Shqipërisë, Alfred

Moisiu

PROTOKOLL NR.13

I KONVENTËS PËR MBROJTJEN E TË DREJTAVE TË NJERIUT DHE LIRIVE THEMELORE, NË

LIDHJE ME HEQJEN E DËNIMIT ME VDEKJE NË TË GJITHA RRETHANAT

(VILNIUS, 3.5.2002)

Shtetet anëtare të Këshillit të Europës nënshkruese,

të bindura se e drejta e çdokujt për jetën është një vlerë elementare në një shoqëri demokratike dhe

se heqja e dënimit me vdekje është thelbësore për mbrojtjen e kësaj të drejte dhe për njohjen e plotë të

dinjitetit të natyrshëm të qenieve njerëzore;

duke dashur të forcojnë mbrojtjen e së drejtës për jetën, të garantuar nga Konventa për Mbrojtjen e

të Drejtave të Njeriut dhe Lirive Themelore, të nënshkruar në Romë, më 4 nëntor 1950 (që tani e tutje quhet