PËR ADERIMIN E REPUBLIKËS SË SHQIPËRISË NË KONVENTËN NDËRKOMBËTARE DETARE “PËR PËRGATITJEN NDAJ NDOTJES NGA NAFTA, REAGIMI DHE BASHKËVEPRIMI (OPRC), 1990”

Lloji: Ligj

Fletore Zyrtare: nr. 32, datë 2007-03-29

581

LIGJ

Nr.9692, datë 8.3.2007

PËR ADERIMIN E REPUBLIKËS SË SHQIPËRISË NË KONVENTËN NDËRKOMBËTARE

DETARE “PËR PËRGATITJEN NDAJ NDOTJES NGA NAFTA, REAGIMI DHE

BASHKËVEPRIMI (OPRC), 1990”

Në mbështetje të neneve 78, 83 pika 1 dhe 121 të Kushtetutës, me propoz imin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Republika e Shqipërisë aderon në Konventën Ndërkombëtare Detare “Për përgatitjen ndaj ndotjes

nga nafta, reagimi dhe bashkëveprimi (OPRC), 1990”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.5239, datë 20.3.2007 të Presidentit të Republikës së Shqipërisë, Alfred

Moisiu

KONVENTË NDËRKOMBËTARE

MBI PËRGATITJEN NDAJ NDOTJES NGA NAFTA, REAGIMI DHE BASHKËVEPRIMI,

1990

Palët e Kësaj Konvente,

të ndërgjegjshme për nevojën e ruajtjes së ambientit të njeriut në përgjithësi dhe ambientit detar në

veçanti;

duke njohur kërcënimin serioz që përbëjnë për ambientin detar incidentet e ndotjes nga nafta , që

kanë të bëjnë me anijet, njësitë detare, portet detare dhe impiantet e trajtimit të naftës;

duke ditur në radhë të parë rëndësinë e masave paraprake dhe parandalimin për mënjanimin e

ndotjes nga nafta, si dhe nevojën për zbatimin rigoroz të instrumenteve ndërkombëtare ekzistuese që

trajtojnë sigurinë detare dhe parandalimin e ndotjes detare, veçanërisht Konventën Ndërkombëtare për