PËR PORTET TURISTIKE NË REPUBLIKËN E SHQIPËRISË

Lloji: Ligj

Fletore Zyrtare: nr. 48, datë 2007-04-24

LIGJ

Nr.9710, datë 10.4.2007

PËR PORTET TURISTIKE NË REPUBLIKËN E SHQIPËRISË

Në mbështetje të neneve 78 dhe 83 pika 1 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni l

Qëllimi

Qëllimi i këtij ligji është përcaktimi i rregullave dhe i kritereve që zbatohen për ndërtimin,

funksionimin dhe administrimin e porteve turistike, për trafikun ndërkombëtar dhe kombëtar e të

pontileve të përhershme dhe të përkohshme.

Neni 2

Fusha e zbatimit

Ky ligj zbatohet për portet turistike përgjatë vijës bregdetare dhe në ujërat e brendshme të

lundrueshme të Republikës së Shqipërisë.

Neni 3

Përkufizime

Në këtë ligj, termat e mëposhtëm kanë këto kuptime:

1. “Port” është një pjesë e territorit tokësor të bregdetit, territorit detar, liqenor dhe ujor, i

përcaktuar për të pranuar mjete lundruese.

2. “Pontile” janë zgjatime të bregut, të përgatitura posaçërisht për akostimin e mjeteve

lundruese.

3. “Administrata e portit turistik” është personi juridik, i cili ka fituar të drejtën e krijimit dhe

të administrimit të portit turistik, në bazë të akteve ligjore dhe nënligjore.

4. “Ujëra të brendshme, të lundrueshme” janë të gjitha ujërat e liqeneve dhe të lumenjve, të

përshtatshme për lundrimin e mjeteve turistike.

5. “Lundrime turistike” janë lundrimet që kryhen me qëllim argëtues, zbavitës, njohës e