PËR DISA NDRYSHIME DHE SHTESA NË LIGJIN NR.9632, DATË 30.10.2006 “PËR SISTEMIN E TAKSAVE VENDORE”

Lloji: Ligj

Fletore Zyrtare: nr. 73, datë 2007-06-19

LIGJ

Nr.9745, datë 28.5.2007

PËR DISA NDRYSHIME DHE SHTESA NË LIGJIN NR.9632,

DATË 30.10.2006 “PËR SISTEMIN E TAKSAVE VENDORE”

Në mbështetje të neneve 78, 83 pika 1, 155 dhe 157 pika 3 të Kushtetutës, me propozimin e

Këshillit të Ministrave,

KUVENDI

I REPUBLIKËS SË SHQIPËRISË

VENDOS I:

Në ligjin nr.9632, datë 30.10.2006 “Për sistemin e taksave vendore”, bëhen këto ndryshime e

shtesa:

Neni 1

Neni 12 “Regjistrimi dhe licencimi” ndryshohet si më poshtë:

“Neni 12

Regjistrimi dhe ndryshimet

1. Taksapaguesit, subjekte të këtij ligji, regjistrohen, për qëllime fiskale, pranë Qendrës

Kombëtare të Regjistrimit, në përputhje me ligjin e posaçëm.

2. Ndryshimet në vendin e ushtrimit të veprimtarisë dhe të të dhënave të tjera tregtare kryhen

sipas dispozitave të ligjit për Qendrën Kombëtare të Regjistrimit.

3. Ndryshimet e fushës së veprimtarisë së tatimpaguesve, subjekte të këtij ligji, deklarohen

pranë bashkisë/komunës, brenda territorit të së cilës ushtrojnë veprimtarinë. Ministri i Financave, në

bashkëpunim me ministrin që mbulon çështjet e pushtetit vendor, përcakton me udhëzim procedurat

për deklarimin e këtyre ndryshimeve.”.

Neni 2

Pika 1 e nenit 13 “Detyrimi për informim” shfuqizohet.

Neni 3

Në nenin 17 “Kundërvajtjet dhe sanksionet” bëhen ndryshimet dhe shtesat e mëposhtme:

1. Në pikën 1 shkronja “a” fjalët “mosregjistrimi ose mosriregjistrimi i vendndodhjes së