PËR DISA SHTESA NË LIGJIN NR.9072, DATË 22.5.2003 “PËR SEKTORIN E ENERGJISË ELEKTRIKE”, TË NDRYSHUAR

Lloji: Ligj

Fletore Zyrtare: nr. 73, datë 2007-06-19

2155

LIGJ

Nr.9750, datë 4.6.2007

PËR DISA SHTESA NË LIGJIN NR.9072, DATË 22.5.2003

“PËR SEKTORIN E ENERGJISË ELEKTRIKE”, TË NDRYSHUAR

Në mbështetje të neneve 78 dhe 83 pika 1 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOS I:

Në ligjin nr.9072, datë 22.5.2003 “Për sektorin e energjisë elektrike”, të ndryshuar, bëhen këto

shtesa:

Neni 1

Në nenin 46 shkronja “c”, në fund të fjalisë shtohen fjalët “dhe vendos masat administrative

për mospërmbushjen e tyre, sipas nenit 46/1”.

Neni 2

Pas nenit 46 shtohet neni 46/1 me këtë përmbajtje:

“Neni 46/1

1. Lidhja elektrike pa kontratë, lidhja elektrike para aparatit matës dhe cenimi i vulave ose

dëmtimi i sistemit matës të energjisë elektrike nga përdoruesit familjarë, kur këto shkelje nuk përbëjnë

vepër penale, dënohen me gjobë si më poshtë:

a) për lidhje abuzive para sistemit matës, nga 1 000 deri në 5 000 lekë;

b) për cenim të sistemit matës dhe të vulave të tij, nga 1 000 deri në 10 000 lekë;

c) për lidhje në rrjetin elektrik pa kontratë, nga 5 000 deri në 20 000 lekë.

Në çdo rast, krahas gjobës, ka edhe detyrimin e shlyerjes së dëmit shkaktuar entit shpërndarës

përkatës.

2. Kur shkeljet e përcaktuara në pikën 1 të këtij neni bëhen nga përdoruesit jofamiljarë,

dënohen me gjobë si më poshtë:

a) për lidhje abuzive para sistemit matës, nga 10 000 deri në 100 000 lekë;