PËR KRIJIMIN DHE FUNKSIONIMIN E ZONAVE EKONOMIKE

Lloji: Ligj

Fletore Zyrtare: nr. 103, datë 2007-08-06

LIGJ

Nr.9789, datë 19.7.2007

PËR KRIJIMIN DHE FUNKSIONIMIN E ZONAVE EKONOMIKE

Në mbështetje të neneve 78 dhe 83 pika 1 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Objekti i ligjit

Ky ligj rregullon krijimin, funksionimin, mbikëqyrjen e zonave ekonomike, të drejtat dhe

detyrimet e institucioneve përgjegjëse, të zhvilluesve, operatorëve, përdoruesve, që veprojnë në to,

llojin e veprimtarive, që kryhen brenda tyre, si dhe mënyrën e përcaktimit të trojeve e të kufijve.

Neni 2

Përkufizime

Në këtë ligj termat e mëposhtëm kanë këto kuptime:

1. “Zonë ekonomike” është një territor, që ka një status të veçantë ekonomik, që mund të jetë

zonë e lirë ose park industrial, sipas përcaktimeve të mëposhtme.

2. “Zonë e lirë” është një sipërfaqe e përcaktuar trualli apo ndërtesash dhe pasurish të tjera të

paluajtshme, me veprimtari prodhuese, të tregtimit dhe të shërbimeve, që vlerësohet pjesë e territorit

doganor të Republikës së Shqipërisë, e ndarë nga ky territor, në aspektin e regjimit fiskal dhe doganor

dhe që rregullohet në përputhje me dispozitat e këtij ligji.

3. “Park industrial” është një territor i ndarë, në përputhje me një plan të përgjithshëm, i

pajisur me infrastrukturën e nevojshme, si rrugë, shërbime transporti dhe publike, me ose pa ndërtesa