PËR RATIFIKIMIN E “MARRËVESHJES SË BASHKËPUNIMIT NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE FONDACIONIT HANNS - SEIDEL TË REPUBLIKËS FEDERALE TË GJERMANISË”

Lloji: Ligj

Fletore Zyrtare: nr. 102, datë 2007-08-06

LIGJ

Nr.9781, datë 19.7.2007

PËR RATIFIKIMIN E “MARRËVESHJES SË BASHKËPUNIMIT NDËRMJET KËSHILLIT

TË MINISTRAVE TË REPUBLIKËS SË SHQIPËRISË DHE FONDACIONIT HANNS -

SEIDEL TË REPUBLIKËS FEDERALE TË GJERMANISË”

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Marrëveshja e bashkëpunimit ndërmjet Këshillit të Ministrave të Republikës së

Shqipërisë dhe Fondacionit HANNS-SEIDEL të Republikës Federale të Gjermanisë”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.5437, datë 31.7.2007 të Presidentit të Republikës së Shqipërisë,

Bamir Topi

MARRËVESHJE BASHKËPUNIMI

NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE

FONDACIONIT HANNS-SEIDEL TË REPUBLIKËS FEDERALE TË GJERMANISË

Këshilli i Ministrave i Republikës së Shqipërisë dhe Fondacioni Hanns -Seidel, Mynih,

Republika Federale e Gjermanisë, këtej e tutje referuar si Pala shqiptare dhe Fondacioni;

duke njohur rëndësinë e veprimtarisë së organizatave dhe institucioneve kombëtare dhe

ndërkombëtare me karakter publik dhe privat në territorin e Republikës së Shqipërisë dhe me synimin

për nxitjen e kulturës dhe pjesëmarrjes demokratike dhe solidaritetit ndërkombëtar;

duke vlerësuar kontributin e Fondacionit për ndërtimin dhe zgjerimin e demokracisë, ngritjen