PËR RATIFIKIMIN E “KONTRATËS PËR BLERJEN E AKSIONEVE TË SHOQËRISË ANONIME “ALBTELECOM””

Lloji: Ligj

Fletore Zyrtare: nr. 102, datë 2007-08-06

2941

LIGJ

Nr.9785, datë 19.7.2007

PËR RATIFIKIMIN E “KONTRATËS PËR BLERJEN E AKSIONEVE TË SHOQËRISË

ANONIME “ALBTELECOM””

Në mbështetje të neneve 78 dhe 83 pika 1 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Kontrata për blerjen e aksioneve të shoqërisë anonime “Albtelecom””, sipas

tekstit që i bashkëlidhet këtij ligji.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.5440, datë 31.7.2007 të Presidentit të Republikës së Shqipërisë,

Bamir Topi

ALBTELECOM SHA

KONTRATË PËR BLERJE AKSIONESH

TIRANË, 19.6.2007

REPUBLIKA E SHQIPËRISË

DHOMA E NOTERËVE TIRANË

Nr.3454 Rep.

Nr.1187 Kol.

KONTRATË PËR BLERJE AKSIONESH

Sot, më datë 19.6.2997, në Tiranë, përpara meje noterit Julian Zhelegu , Noter i Dhomës së

Noterëve, Tiranë, u paraqitën përfaqësuesit e palëve të mëposhtme:

Shteti Shqiptar përfaqësuar nga Ministria e Ekonomisë, Tregtisë dhe Energjetikës e

Republikës së Shqipërisë, me seli në Tiranë, bulevardi “Dëshmorët e Kombit ”, e përfaqësuar nga

Shkëlqesia e Tij, Ministri z. Genc Ruli (më poshtë referuar si “Shitësi”ose “Ministria”),

dhe

CETEL Çalik Enerji Telekomünikasyon Hizmetleri A.S, një shoqëri e krijuar sipas ligjeve të

Republikës së Turqisë (më poshtë “CETEL”), me seli në Keresteciler Sitesi Fatih Caddesi Selvi Sokak