PËR RATIFIKIMIN E “MARRËVESHJES NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE QEVERISË FEDERALE AUSTRIAKE PËR BASHKËPUNIMIN POLICOR”

Lloji: Ligj

Fletore Zyrtare: nr. 137, datë 2007-10-19

LIGJ

Nr.9811, datë 1.10.2007

PËR RATIFIKIMIN E “MARRËVESHJES NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE QEVERISË FEDERALE AUSTRIAKE PËR BASHKËPUNIMIN POLICOR”

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Marrëveshja ndërmjet Këshillit të Ministrave të Republikës së Shqipërisë dhe Qeverisë Federale Austriake për bashkëpunimin policor”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.5488, datë 10.10.2007 të Presidentit të Republikës së Shqipërisë, Bamir Topi

MARRËVESHJE

NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE QEVERISË FEDERALE AUSTRIAKE MBI BASHKËPUNIMIN POLICOR

Këshilli i Ministrave i Republikës së Shqipërisë dhe Qeveria Federale Austriake, të quajtura në vazhdim Palë Kontraktuese:

- duke synuar të kontribuojnë për zhvillimin e marrëdhënieve dypalëshe;

- të sigurt se bashkëpunimi në luftën ndaj krimit ndërkombëtar është me rëndësi për të dy shtetet;

- të shqetësuar nga rreziku i përhapjes së tregtimit ilegal të drogave dhe substancave psikotrope dhe të formave të tjera të krimit ndërkombëtar, që vënë në rrezik sigurinë ose interesa të tjera thelbësore të të dy shteteve;

- me qëllimin për të koordinuar aktivitetet e tyre në luftën kundër krimit ndërkombëtar të organizuar dhe migracionit ilegal;