Për disa shtesa dhe ndryshime në ligjin nr.9157, datë 4.12.2003 “Për përgjimin e telekomunikimeve

Lloji: Ligj

Fletore Zyrtare: nr. 44, datë 2008-03-25

LIGJ

Nr.9885, datë 3.3.2008

PËR DISA SHTESA DHE NDRYSHIME NË LIGJIN NR.9157, DATË 4.12.2003

“PËR PËRGJIMIN E TELEKOMUNIKIMEVE”

Në mbështetje të neneve 78 dhe 83 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr.9157, datë 4.12.2003 “Për përgjimin e telekomunikimeve”, bëhen këto shtesa dhe ndryshime:

Neni 1

Në nenin 10, në fund të shkronjës “a” shtohen fjalët “ose në seksionin e përgjimeve të Policisë së Shtetit dhe të Shërbimit të Kontrollit të Brendshëm në Ministrinë e Brendshme, sipas rastit”.

Neni 2

Në nenin 12 bëhen këto shtesa dhe ndryshime:

a) Në fund të pikës 1 shtohet një fjali me këtë përmbajtje:

“Proceset teknike të përgjimit, për llogari të Policisë së Shtetit dhe të Shërbimit të Kontrollit të Brendshëm në Ministrinë e Brendshme, realizohen nëpërmjet seksionit të tyre të përgjimeve, të atashuar në sektorin e përgjimeve në SHISH.”.

b) Në pikën 2, pas fjalëve “Punonjësit e sektorit të përgjimeve në SHISH” shtohen fjalët “dhe punonjësit e seksionit të përgjimeve të Policisë së Shtetit dhe të Shërbimit të Kontrollit të Brendshëm në Ministrinë e Brendshme, të atashuar në sektorin e përgjimeve në SHISH”.

c) Në pikën 3, pas fjalëve “sektori i përgjimeve në SHISH” shtohen fjalët “dhe seksioni i përgjimeve të Policisë së Shtetit dhe të Shërbimit të Kontrollit të Brendshëm në Ministrinë e Brendshme”.

Neni 3