PËR ADERIMIN E REPUBLIKËS SË SHQIPËRISË NË KONVENTËN PËR TAKSIMIN E MJETEVE RRUGORE NË TRANSPORTIN NDËRKOMBËTAR TË MALLRAVE

Lloji: Ligj

Fletore Zyrtare: nr. 201, datë 2008-12-31

LIGJ

Nr.10 038, datë 22.12.2008

PËR ADERIMIN E REPUBLIKËS SË SHQIPËRISË NË KONVENTËN PËR TAKSIMIN E MJETEVE RRUGORE NË TRANSPORTIN NDËRKOMBËTAR TË MALLRAVE

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Republika e Shqipërisë aderon në konventën për taksimin e mjeteve rrugore në transportin ndërkombëtar të mallrave, bërë në Gjenevë më 14 dhjetor 1956.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.5996, datë 12.1.2009 të Presidentit të Republikës së Shqipërisë, Bamir Topi

E/EC/262

E/ECE//TRANS/496

KONVENTA

MBI TAKSIMIN E MJETEVE RRUGORE

NË TRANSPORTIN NDËRKOMBËTAR TË MALLRAVE

Bërë në Gjenevë më 14 dhjetor 1956

KOMBET E BASHKUARA

Gjenevë, shkurt 1957

CE.93-245

KOMISIONI EKONOMIK PËR EUROPEN

SEKTORI I TRANSPORTIT

Palët Kontraktuese,

duke kërkuar të lehtësojnë transportin ndërkombëtar të mallrave me rrugë,

kanë rënë dakord si vijon.

Neni 1

Për qëllime të kësaj Konvente:

a) Termi “mjete” do të ketë parasysh të gjitha mjetet rrugore vetëlëvizëse dhe të gjitha rimorkiot që lidhen me këto mjete, qoftë të importuara bashkë me mjetin, ose të importuara më vete;

b) Termi “transporti ndërkombëtar i mallrave” do të ketë parasysh transportin tregtar ose industrial të mallrave me ose pa pagesë, kur rruga e ndjekur kalon të paktën përmes një kufiri midis dy shtetesh;