PËR RATIFIKIMIN E “MARRËVESHJES SË HUASË DHE TË PROJEKTIT NDËRMJET REPUBLIKËS SË SHQIPËRISË DHE BANKËS GJERMANE PËR RINDËRTIM DHE ZHVILLIM (KFW) PËR FINANCIMIN E PROJEKTIT “SISTEMI I KANALIZIMEVE TË UJËRAVE TË ZEZA, KORÇA

Lloji: Ligj

Fletore Zyrtare: nr. 205, datë 2008-12-31

LIGJ

Nr.10 046, datë 24.12.2008

PËR RATIFIKIMIN E “MARRËVESHJES SË HUASË DHE TË PROJEKTIT NDËRMJET REPUBLIKËS SË SHQIPËRISË DHE BANKËS GJERMANE PËR RINDËRTIM DHE ZHVILLIM (KFW) PËR FINANCIMIN E PROJEKTIT “SISTEMI I KANALIZIMEVE TË UJËRAVE TË ZEZA, KORÇA IV””

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Marrëveshja e huasë dhe e projektit ndërmjet Republikës së Shqipërisë, përfaqësuar nga Ministria e Financave dhe Ndërmarrja e Ujësjellës-Kanalizimeve, Korçë (UKKO) dhe Bankës Gjermane për Rindërtim dhe Zhvillim (KfW) për financimin e projektit “Sistemi i kanalizimeve të ujërave të zeza, Korça IV””, me një hua prej 15 000 000 (pesëmbëdhjetë milionë) eurosh.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.6003, datë 13.1.2009 të Presidentit të Republikës së Shqipërisë, Bamir Topi

MARRËVESHJE PROJEKTI DHE HUAJE

E DATËS 8 TETOR 2008 NDËRMJET BANKËS GJERMANE PËR RINDËRTIM DHE

ZHVILLIM (KFW), FRANKFURT AM MAIN, DHE REPUBLIKËS SË SHQIPËRISË,

PËRFAQËSUAR NGA MINISTRIA E FINANCAVE, TIRANË (“HUAMARRËSI”)

DHE NDËRMARRJA UJËSJELLËS- KANALIZIMEVE KORÇË (UKKO), KORÇË

(“AGJENCIA PËR ZBATIMIN E PROJEKTIT) PËR 15,000,000.00 EURO - HUA

Parathënie