PËR RATIFIKIMIN E “MARRËVESHJES SË HUASË NDËRMJET SHQIPËRISË DHE BANKËS NDËRKOMBËTARE PËR RINDËRTIM DHE ZHVILLIM (IBRD) PËR NJË FINANCIM SHTESË PËR PROJEKTIN E OFRIMIT TË SHËRBIMEVE SOCIALE”

Lloji: Ligj

Fletore Zyrtare: nr. 63, datë 2009-05-14

LIGJ

Nr.10 122, datë 11.5.2009

PËR RATIFIKIMIN E “MARRËVESHJES SË HUASË NDËRMJET SHQIPËRISË DHE BANKËS NDËRKOMBËTARE PËR RINDËRTIM DHE ZHVILLIM (IBRD) PËR NJË FINANCIM SHTESË PËR PROJEKTIN E OFRIMIT TË SHËRBIMEVE SOCIALE”

Në mbështetje të neneve 78, 83 pika 1, 84 pika 4 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Marrëveshja e huasë ndërmjet Shqipërisë dhe Bankës Ndërkombëtare për Rindërtim dhe Zhvillim (IBRD) për një financim shtesë për projektin e ofrimit të shërbimeve sociale”.

Neni 2

Ky ligj hyn në fuqi menjëherë.

Shpallur me dekretin nr.6163, datë 13.5.2009 të Presidentit të Republikës së Shqipërisë,

Bamir Topi

MARRËVESHJE HUAJE

(FINANCIM SHTESË PËR PROJEKTIN E OFRIMIT TË SHËRBIMEVE SOCIALE) NDËRMJET SHQIPËRISË DHE

BANKËS NDËRKOMBËTARE PËR RINDËRTIM DHE ZHVILLIM

Më datë _________________ 2009

Marrëveshje e datës ____________ 2009, mes SHQIPËRISË (“Huamarrësi”) dhe BANKËS NDËRKOMBËTARE PËR RINDËRTIM DHE ZHVILLIM (“Banka”) për qëllimin e ofrimit të financimit shtesë për veprimtari lidhur me Projektin Fillestar (siç përcaktohet te Shtojca e kësaj Marrëveshjeje). Me anë të kësaj Marrëveshjeje, Huamarrësi dhe Banka bien dakord si më poshtë:

Neni 1

Kushtet e Përgjithshme; Përkufizimet

1.01 Kushtet e Përgjithshme (siç përcaktohen te Shtojca e kësaj Marrëveshjeje) përbëjnë një pjesë të pandarë të kësaj Marrëveshjeje.