PËR NJË SHTESË NË LIGJIN NR.9920, DATË 19.5.2008 “PËR PROCEDURAT TATIMORE NË REPUBLIKËN E SHQIPËRISË” PËR NJË SHTESË NË LIGJIN NR.9920, DATË 19.5.2008 “PËR PROCEDURAT TATIMORE NË REPUBLIKËN E SHQIPËRISË”

Lloji: Ligj

Fletore Zyrtare: nr. 144, datë 2009-10-12

LIGJ

Nr. 10 148, datë 28.9.2009

PËR NJË SHTESË NË LIGJIN NR.9920, DATË 19.5.2008

“PËR PROCEDURAT TATIMORE NË REPUBLIKËN E SHQIPËRISË”

Në mbështetje të neneve 78, 83 pika 1 dhe 155 të Kushtetutës, me propozimin e Këshillit

të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Në ligjin nr.9920, datë 19.5.2008 “Për procedurat tatimore ne Republikën e Shqipërisë”,

pas nenit 75 shtohet neni 75/1 me këtë përmbajtje:

“Neni 75/1

Rimbursimi i TVSH-së dhe kompensimi i detyrimeve tatimore

Nëse personat e tatueshëm, të regjistruar për TVSH, rezultojnë me tepricë kreditore dhe

paraqesin, pranë drejtorisë rajonale tatimore, kërkesën për rim bursim in e TVSH- së së paguar

tepër, administrata tatimore, brenda 30 ditëve kalendarike, verifikon saktësinë e pretendimit,

njofton tatimpaguesin dhe realizon rimbursimin, kur plotësohen kushtet. Në rast të kundërt,

personit të tatueshëm i lind e drejta e mospagesës së detyrimev e të tjera tatimore, në masën e

TVSH-së së pretenduar për rimbursim.

Mënyra dhe procedurat e hollësishme teknike për zbatimin e këtij neni përcaktohen në

udhëzimin e Ministrit të Financave.”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.6283, datë 7.10.2009 të Presidentit të Republikës së Shqipërisë,

Bamir Topi