PËR RATIFIKIMIN E “MARRËVESHJES PËR THJESHTIMIN E PROCEDURAVE TË VIZAVE PËR AFARISTËT, SHTETAS TË VENDEVE ANËTARE TË ORGANIZATËS PËR BASHKËPUNIM EKONOMIK TË DETIT TË ZI”

Lloji: Ligj

Fletore Zyrtare: nr. 166, datë 2009-12-07

LIGJ

Nr.10 188, datë 12.11.2009

PËR RATIFIKIMIN E “MARRËVESHJES PËR THJESHTIMIN E PROCEDURAVE TË

VIZAVE PËR AFARISTËT, SHTETAS TË VENDEVE ANËTARE TË ORGANIZATËS

PËR BASHKËPUNIM EKONOMIK TË DETIT TË ZI”

Në mbështetje të neneve 78, 83 pika 1 dhe 121 të Kushtetutës, me propozimin e Këshillit

të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Marrëveshja për thj eshtimin e procedurave të vizave për afaristët, shtetas të

vendeve anëtare të Organizatës për Bashkëpunim Ekonomik të Detit të Zi”, sipas tekstit që i

bashkëlidhet këtij ligji.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.6349, datë 24.11.2009 të Presidentit të Republikës së

Shqipërisë, Bamir Topi

MARRËVESHJE

PËR THJESHTIMIN E PROCEDURAVE TË VIZAVE PËR AFARISTËT, SHTETAS TË

VENDEVE ANËTARE TË ORGANIZATËS PËR BASHKËPUNIM EKONOMIK

TË DETIT TË ZI

Qeveritë e mëposhtme nënshkruese (të referuara më poshtë si palët kontraktuese), në

cilësinë e qeverive të vendeve anëtare të Organizatës për Bashkëpunim Ekonomik të Detit të Zi;

duke qenë të bindura se thjeshtimi i procedurave të vizave për afaristët, shtetas të

vendeve anëtare të Organizatës për Bashkëpunim Ekonomik të Detit të Zi, do të përshpejtojë

zhvillimin e marrëdhënieve treg tare dhe ekonomike ndërmjet vend eve anëtare të Organizatës për

Bashkëpunim Ekonomik të Detit të Zi;