Për një ndryshim në ligjin nr.35/2023 "Për kompetencat për caktimin e pagave, trajtimeve të tjera finaciare dhe përfitimeve të të punësuarve në institucionet e administratës publike, si dhe të pagës bazë minimale në shkallë vendi"

Lloji: Ligj

Fletore Zyrtare: nr. 144, datë 2024-08-12

LIGJ

Nr. 93/2024

PËR NJË NDRYSHIM NË LIGJIN NR. 35/2023, “PËR KOMPETENCAT PËR

CAKTIMIN E PAGAVE, TRAJTIMEVE TË TJERA FINANCIARE DHE

PËRFITIMEVE TË TË PUNËSUARVE NË INSTITUCIONET E ADMINISTRATËS

PUBLIKE, SI DHE TË PAGËS BAZË MINIMALE NË SHKALLË VENDI”

Në mbështetje të neneve 78, 81, pika 1, dhe 83, pika 1, të Kushtetutës, me propozimin e një

deputeti,

KUVENDI

I REPUBLIKËS SË SHQIPËRISË

VENDOSI:

Në ligjin nr. 35/2023, “Për kompetencat për caktimin e pagave, trajtimeve të tjera financiare dhe

përfitimeve të të punësuarve në institucionet e administratës publike, si dhe të pagës bazë minimale

në shkallë vendi”, bëhet ndryshimi i mëposhtëm:

Neni 1

Në nenin 9, shkronja “c” ndryshohet si më poshtë:

“c) shpërblimin mujor të kryetarëve të fshatrave në masën deri në 10 për qind të pagës mujore të

kryetarit përkatës të njësisë së vetëqeverisjes vendore.”.

Neni 2

Dispozitë kalimtare

Efektet financiare, që rrjedhin nga zbatimi i këtij ligji, fillojnë nga data e hyrjes në fuqi të ligjit nr.

35/2023, “Për kompetencat për caktimin e pagave, trajtimeve të tjera financiare dhe përfitimeve të të

punësuarve në institucionet e administratës publike, si dhe të pagës bazë minimale në shkallë vendi”.

Neni 3

Hyrja në fuqi

Ky ligj hyn në fuqi 15 ditë pas botimit në Fletoren Zyrtare.

Miratuar në datën 26.7.2024.

Shpallur me dekretin nr. 307, datë 8.8.2024, të Presidentit të Republikës së Shqipërisë, Bajram

Begaj.