Për Institutin e Studimeve për Krimet dhe Pasojat e Komunizmit në Shqipëri

Lloji: Ligj

Fletore Zyrtare: nr. 30, datë 2010-03-23

LIGJ

Nr. 10 242, datë 25.2.2010

PËR INSTITUTIN E STUDIMEVE PËR KRIMET DHE PASOJAT E KOMUNIZMIT NË

SHQIPËRI

Në mbështetje të neneve 78 dhe 83 pika 1 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Qëllimi

Ky ligj ka për qëllim krijimin dhe përcaktimin e veprimtarisë së Institutit të Studimeve

për Krimet dhe Pasojat e Komunizmit në Shqipëri, në vijim “instituti”.

Neni 2

Objekti

Ky ligj përcakton kriteret, që duhet të plotësojnë punonjësit e institutit, si dhe tërësinë e

kushteve për grumbullimin, administrimin e ruajtjen, në arkivin e institutit, të dokumenteve e të

materialeve, që dëshmojnë krimet e komunizmit në Shqipëri.

Neni 3

Përkufizime

Në këtë ligj termat e mëposhtëm kanë këto kuptime:

a) “Periudha e komunizmit” është periudha e historisë së Shqipërisë nga 29 nëntori 1944

deri më 8 dhjetor 1990, si dhe periudha përpara datës 29 nëntor 1944, gjatë së cilës është

zhvilluar veprimtaria, që ka përgatitur ardhjen në pushtet të Partisë Komuniste të Shqipërisë, e

cila, më pas, u shndërrua në Partia e Punës e Shqipërisë.

b) “Krimet e komunizmit” janë veprimet e kryera nga funksionarët e shtetit komunist në

periudhën e komunizmit, të cilat kanë të bëjnë me konceptimin, përpunimin apo vënien në zbatim