Për aderimin e Republikës së Shqipërisë në konventën ndërkombëtare “Për heqjen e anijeve të mbytura”

Lloji: Ligj

Fletore Zyrtare: nr. 45, datë 2010-04-21

LIGJ

Nr.10 260, datë 1.4.2010

PËR ADERIMIN E REPUBLIKËS SË SHQIPËRISË NË KONVENTËN NDËRKOMBËTARE

“PËR HEQJEN E ANIJEVE TË MBYTURA”

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Republika e Shqipërisë aderon në konventën ndërkombëtare “Për heqjen e anijeve të

mbytura”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.6504, datë 12.4.2010 të Presidentit të Republikës së Shqipërisë,

Bamir Topi

KONVENTA NDËRKOMBËTARE

MBI HEQJEN E ANIJEVE TË MBYTURA

(Nairobi, 18 maj 2007)

HYRJE

Shtetet palë në këtë Konventë,

të ndërgjegjshme për faktin që anijet e mbytura, nëse nuk hiqen, mund të paraqesin një rrezik

për lundrimin ose për mjedisin detar,

të bindura për nevojën e miratimit të rregullave dhe procedurave të njëjtësuara ndërkombëtare

për të siguruar heqjen e menjëhershme dhe efikase të anijeve të mbytura dhe pagimin e

dëmshpërblimeve për kostot që kjo përfshin,

duke vërejtur se shumë anije të mbytura mund të gjenden në territorin e shteteve, duke

përfshirë këtu edhe detin territorial,

duke njohur përfitimet që vijnë nga uniformiteti në regjimet juridike që rregullojnë

përgjegjësinë dhe detyrimet për heqjen e anijeve të mbytura të rrezikshme,

duke pasur në mendje rëndësinë e Konventës së Kombeve të Bashkuara mbi të Drejtën e