Për një ndryshim dhe shtesë në ligjin nr.7926, datë 20.4.1995 “Për transformimin e ndërmarrjeve shtetërore në shoqëri tregtare”, të ndryshuar

Lloji: Ligj

Fletore Zyrtare: nr. 51, datë 2010-05-03

LIGJ

Nr. 10 264, datë 8.4.2010

PËR NJË NDRYSHIM DHE SHTESË NË LIGJIN NR. 7926, DATË 20.4.1995 “PËR

TRANSFORMIMIN E NDËRMARRJEVE SHTETËRORE NË SHOQËRI TREGTARE”,

TË NDRYSHUAR

Në mbështetje të neneve 78 dhe 83 pika 1 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 7926, datë 20.4.1995 “Për transformimin e ndërmarrjeve shtetërore në

shoqëri tregtare”, të ndryshuar, bëhet ndryshimi dhe shtesa e mëposhtme:

Neni 1

Në nenin 8, paragrafi i katërt ndryshohet si më poshtë:

“Anëtarët e këshillave mbikëqyrëse të shoqërive aksionare shtetërore i propozohen

Ministrit të Ekonomisë, Tregtisë dhe Energjitikës si më poshtë:

a) 1/3 e anëtarëve propozohet nga Ministri i Financave;

b) 1/3 e anëtarëve caktohet nga Ministri i Ekonomisë, Tregtisë dhe Energjitikës;

c) 1/3 e numrit të anëtarëve propozohet nga ministria e linjës administrative apo nga

organi i qeverisjes vendore, që përfaqëson shtetin për shoqërinë shtetërore përkatëse.

Mënyra e propozimit dhe e emërimit të anëtarëve të këshillave mbikëqyrëse të shoqërive

aksionare të ujësjellës-kanalizimeve bëhet në përputhje me statutin e tyre.”.

Neni 2

Ngarkohen titullarët e ministrive që preken nga ky ligj që, brenda 2 muajve nga hyrja në

fuqi e tij, të bëjnë ndryshimet në këshillat mbikëqyrës të shoqërive aksionare shtetërore.

Neni 3