PËR DISA NDRYSHIME DHE SHTESA NË LIGJIN NR. 8677, DATË 2.11.2000 “PËR ORGANIZIMIN DHE FUNKSIONIMIN E POLICISË GJYQËSORE”, TË NDRYSHUAR

Lloji: Ligj

Fletore Zyrtare: nr. 115, datë 2010-08-24

LIGJ

Nr.10 301, datë 15.7.2010

PËR DISA NDRYSHIME DHE SHTESA NË LIGJIN NR. 8677, DATË 2.11.2000 “PËR

ORGANIZIMIN DHE FUNKSIONIMIN E POLICISË GJYQËSORE”, TË NDRYSHUAR

Në mbështetje të neneve 78 dhe 83 pika 1 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 8677, datë 2.11.2000 “Për organizimin dhe funksionimin e Policisë

Gjyqësore”, të ndryshuar, bëhen këto ndryshime dhe shtesa:

Neni 1

Neni 2 ndryshohet si më poshtë:

“Neni 2

Parimet e funksionimit të Policisë Gjyqësore

1. Respektimi i ligjit, ruajtja dhe mbrojtja e lirive dhe të drejtave themelore të njeriut,

profesionalizmi dhe ndershmëria janë bazat e organizimit dhe funksionimit të Policisë Gjyqësore,

në funksion të përmbushjes së misionit për luftën kundër kriminalitetit dhe parandalimit të tij.

2. Policia Gjyqësore kryen veprimtari procedurale përgjatë të gjitha fazave të procedimit

penal, të urdhëruar apo deleguar nga organi procedues ose me nismën e vet, sipas rregullave të

legjislacionit procedural në fuqi.

3. Marrëdhëniet e bashkëpunimit midis Policisë Gjyqësore dhe prokurorisë bazohen në

zbatimin e detyrave funksionale, sipas rolit dhe përgjegjësive të ndara dhe të përcaktuara nga

legjislacioni në fuqi.”.

Neni 2

Neni 3 ndryshohet si më poshtë:

“Neni 3

Funksionet e Policisë Gjyqësore