Për rregullimin e prodhimit, tregtimit, kërkimit dhe zhvillimit të armëve, municioneve, pajisjeve dhe teknologjive ushtarake

Lloji: Ligj

Fletore Zyrtare: nr. 141, datë 2024-08-08

LIGJ

Nr. 87/2024

PËR RREGULLIMIN E PRODHIMIT, TREGTIMIT, KËRKIMIT DHE ZHVILLIMIT

TË ARMËVE, MUNICIONEVE, PAJISJEVE DHE TEKNOLOGJIVE USHTARAKE

Në mbështetje të neneve 78 dhe 83, pika 1, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Qëllimi

Ky ligj ka për qëllim:

a) përcaktimin e rregullave kryesore të funksionimit e të zhvillimit të industrisë së prodhimit të armëve,

municioneve, pajisjeve dhe teknologjive ushtarake, demilitarizimit, tregtimit të tyre, si dhe kërkimit e

zhvillimit në këtë industri;

b) përcaktimin e parimeve, rregullave kryesore, si dhe institucioneve përgjegjëse për kontrollin dhe

mbikëqyrjen e veprimtarive të ushtruara, sipas shkronjës “a” të këtij neni, nga subjektet që ushtrojnë

aktivitet ekonomik në Republikën e Shqipërisë në këtë fushë;

c) fuqizimin dhe rritjen e kapaciteteve ushtarake nëpërmjet sigurimit të armëve, teknologjive dhe

pajisjeve ushtarake për Forcat e Armatosura ose strukturat e tjera të sigurisë që i përdorin ato.

Neni 2

Objekti i ligjit

1. Ky ligj përcakton rregullat për:

a) krijimin dhe funksionimin e Agjencisë së Industrisë të Mbrojtjes;

b) regjistrimin dhe licencimin e subjekteve, të cilat kryejnë veprimtari të rregulluara nga ky ligj;

c) zhvillimin e veprimtarive të prodhimit, magazinimit, transportimit, tregtimit e të kërkimit dhe të