Për Këshillin Fiskal të Republikës së Shqipërisë

Lloji: Ligj

LIGJ

Nr. 115/2026

PËR KËSHILLIN FISKAL TË REPUBLIKËS SË SHQIPËRISË1

Në mbështetje të neneve 78 dhe 83, pika 1, të Kushtetutës, me propozimin e

Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Qëllimi

Ky ligj përcakton kuadrin ligjor për krijimin, organizimin, funksionimin dhe

përgjegjësitë e Këshillit Fiskal të Republikës së Shqipërisë (në vijim Këshilli Fiskal),

si person juridik publik i pavarur, me qëllim kontributin në disiplinën fiskale,

transparencën dhe qëndrueshmërinë e financave publike, në përputhje me

kërkesat e Bashkimit Evropian dhe praktikat më të mira ndërkombëtare.

Neni 2

Përkufizime

Për qëllime të këtij ligji, termat e mëposhtëm kanë këto kuptime:

1. “Këshilli Fiskal” është institucion i pavarur, i krijuar në bazë të këtij ligji për

të monitoruar politikën fiskale e për të kontribuuar në disiplinën fiskale,

transparencën dhe qëndrueshmërinë e financave publike.

2. “ Parimet dhe rregullat fiskale ” janë kufizimet numerike dhe procedurale

mbi politikën fiskale, të përcaktuara në nenin 4/1, të ligjit nr. 9936, datë 26.6.2008,

“Për menaxhimin e sistemit buxhetor në Republikën e Shqipërisë”, i ndryshuar,

duke përfshirë, por pa u kufizuar në kufijtë e borxhit, objektivat e deficitit dhe

tavanet e shpenzimeve.

3. “Ligji organik i buxhetit” është ligji nr. 9936, datë 26.6.2008, “Për menaxhimin