Për disa ndryshime dhe shtesa në ligjin nr. 64/2012, “Për peshkimin”, i ndryshuar

Lloji: Ligj

LIGJ

Nr. 123/2026

PËR DISA NDRYSHIME DHE SHTESA NË LIGJIN NR. 64/2012,

“PËR PESHKIMIN”, I NDRYSHUAR1

Në mbështetje të neneve 78 dhe 83, pika 1, të Kushtetutës, me propozimin e

Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 64/2012, “Për peshkimin”, i ndryshuar, bëhen këto ndryshime dhe

shtesa:

Neni 1

Përkufizime

Në nenin 4 bëhen këto ndryshime dhe shtesa:

1. Pika 2 ndryshohet si më poshtë:

“2. “Anije peshkimi” është një anije peshkuese ose çdo anije tjetër e përdorur për

shfrytëzimin tregtar të burimeve biologjike detare, duke përfshirë anijet ndihmëse,

anijet e përpunimit të peshkut, anijet e angazhuara në operacione transbordimi,

rimorkiatorët, anijet mbështetëse dhe anijet transportuese të pajisura për

transportin e produkteve të peshkimit, duke përjashtuar anijet kontejnerë dhe

anijet e përdorura ekskluzivisht për akuakulturë.”.

2. Pas pikës 2/1 shtohet pika 2/2 me këtë përmbajtje:

“2/2. “Anije peshkuese” është një anije e pajisur ose e përdorur për zënien

tregtare të burimeve biologjike detare.”.

3. Pika 6 ndryshohet si më poshtë:

“6. “Autorizim peshkimi” është një autorizim i lëshuar nga ministri për një anije

peshkimi, kur është e nevojshme, përveç lejes së saj të peshkimit, i cili i jep asaj të

drejtën të kryejë aktivitete specifike peshkimi gjatë një periudhe të caktuar në një

zonë të caktuar ose për një peshkim të caktuar në kushte specifike.”.