PËR RATIFIKIMIN E “MARRËVESHJES PËR RACVIAC – QENDRA PËR BASHKËPUNIM PËR SIGURINË”

Lloji: Ligj

Fletore Zyrtare: nr. 142, datë 2010-10-25

LIGJ

Nr.10 326, datë 30.9.2010

PËR RATIFIKIMIN E “MARRËVESHJES PËR RACVIAC – QENDRA PËR BASHKËPUNIM PËR SIGURINË”

Në mbështetje të neneve 78, 83 pika 1 dhe 121 të Kushtetutës, me propozimin Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Marrëveshja për RACVIAC – Qendra për Bashkëpunim për Sigurinë”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.6720, datë 12.10.2010 të Presidentit të Republikës së Shqipërisë, Bamir Topi

MARRËVESHJE MBI RACVIAC – QENDRA PËR BASHKËPUNIM MBI SIGURINË

Hyrje

Shtetet pjesëmarrëse në procesin e bashkëpunimit të Europës Juglindore– (PBEJ/SEECP), palë të Marrëveshjes aktuale (më poshtë referuar si “Palët”),

duke sjellë në kujtesë marrëveshjen ndërmjet Qeverisë së Republikës së Kroacisë dhe Qeverisë së Republikës Federale të Gjermanisë mbi krijimin e Qendrës së Asistencës Rajonale për Kontrollin, Verifikimin dhe Implementimin e Armëve (QMRKVIA), hartuar në Zagreb më 8 mars 2001,

duke sjellë në kujtesë se në vijim të nenit 1, paragrafi (4) të Marrëveshjes së lartpërmendur, Republika e Italisë e pranoi Marrëveshjen në fjalë më 21 gusht 2002, si dhe Republika e Turqisë më 15 shtator 2004,