Për disa ndryshime dhe shtesa në ligjin nr. 52/2025, “Për markat tregtare”

Lloji: Ligj

LIGJ

Nr. 104/2026

PËR DISA NDRYSHIME DHE SHTESA NË LIGJIN NR. 52/2025,

“PËR MARKAT TREGTARE”

Në mbështetje të neneve 78, 81 dhe 83, pika 1, të Kushtetutës, me propozimin e

një deputeti,

KUVENDI

I REPUBLIKËS SË SHQIPËRISË

VENDOSI:

Në ligjin nr. 52/2025, “Për markat tregtare” bëhen ndryshimet dhe shtesat e

mëposhtme:

Neni 1

Në nenin 4 bëhen këto shtesa:

a) Pas pikës 34 shtohen pikat 35, 36 dhe 37 me këtë përmbajtje:

“35. “Kërkesë për regjistrimin e markës tregtare të Bashkimit Evropian” është

kërkesa për regjistrimin e shenjës si markë tregtare të Bashkimit Evropian, që

depozitohet në përputhje me dispozitat e Rregullores për Markën Tregtare të

Bashkimit Evropian.

36. “Markë tregtare e Bashkimit Evropian” është marka tregtare sipas

përkufizimit të nenit 1, pika 1, të Rregullores për Markën Tregtare të Bashkimit

Evropian.

37. “Rregullorja për Markën Tregtare të Bashkimit Evropian” është Rregullorja

(BE) 2017/1001 e Parlamentit Evropian dhe e Këshillit, datë 14 qershor 2017, për

Markën Tregtare të Bashkimit Evropian, së bashku me ndryshimet e saj.”.

Neni 2

Në nenin 8, pika 1, shkronjat: “g”, gj”, “h” dhe “i” ndryshohen si më poshtë:

“g) përjashtohet nga regjistrimi:

i. sipas legjislacionit të Republikës së Shqipërisë ose marrëveshjeve

ndërkombëtare që kanë fuqi në Republikën e Shqipërisë, të cilat parashikojnë

mbrojtjen e emërtimeve të origjinës dhe treguesve gjeografikë;