Për aderimin e Republikës së Shqipërisë në marrëveshjen ndërmjet qeverive të vendeve pjesëmarrëse të Bashkëpunimit Ekonomik të Detit të Zi (BEDZ) për bashkëpunimin në ndihmën dhe përgjigjen ndaj emergjencave të fatkeqësive natyrore ose të shkaktuara nga njeriu dhe në protokollin shtesë të saj

Lloji: Ligj

Fletore Zyrtare: nr. 13, datë 2011-02-10

LIGJ

Nr.10 372, datë 10.2.2011

PËR ADERIMIN E REPUBLIKËS SË SHQIPËRISË NË MARRËVESHJEN NDËRMJET QEVERIVE TË VENDEVE PJESËMARRËSE TË BASHKËPUNIMIT EKONOMIK TË DETIT TË ZI (BEDZ) PËR BASHKËPUNIMIN NË NDIHMËN DHE PËRGJIGJEN NDAJ EMERGJENCAVE TË FATKEQËSIVE NATYRORE OSE TË SHKAKTUARA NGA NJERIU DHE NË PROTOKOLLIN SHTESË TË SAJ

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Republika e Shqipërisë aderon në marrëveshjen ndërmjet qeverive të vendeve pjesëmarrëse të Bashkëpunimit Ekonomik të Detit të Zi (BEDZ) për bashkëpunimin në ndihmën dhe përgjigjen ndaj emergjencave të fatkeqësive natyrore ose të shkaktuara nga njeriu, bërë më 15 prill 1998, dhe në protokollin shtesë të saj, bërë më 20 tetor 2005.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.6900, datë 22.2.2011 të Presidentit të Republikës së Shqipërisë, Bamir Topi

MARRËVESHJE

MIDIS QEVERIVE TË VENDEVE PJESËMARRËSE TË BASHKËPUNIMIT EKONOMIK TË DETIT TË ZI (BEDZ) MBI BASHKËPUNIMIN NË NDIHMËN DHE PËRGJIGJEN NDAJ SITUATAVE EMERGJENTE NË FUSHËN E FATKEQËSIVE NATYRORE DHE ATO TË SHKAKTUARA NGA DORA E NJERIUT

Qeveritë, palë në këtë Marrëveshje, të referuara si “palë”,