PËR DËRGIMIN NË BOSNJË-HERCEGOVINË TË NJË GRUPI TË ASGJËSIMIT TË MUNICIONEVE DHE EKSPLOZIVËVE TË FORCAVE TË ARMATOSURA TË REPUBLIKËS SË SHQIPËRISË, PËR TË MARRË PJESË NË OPERACIONIN “ALTHEA” TË BASHKIMIT EUROPIAN

Lloji: Akt normativ

Fletore Zyrtare: nr. 52

AKT NORMATIV

Nr.2, datë 8.4.2008

PËR DËRGIMIN NË BOSNJË-HERCEGOVINË TË NJË GRUPI TË ASGJËSIMIT TË MUNICIONEVE DHE EKSPLOZIVËVE TË FORCAVE TË ARMATOSURA TË REPUBLIKËS SË SHQIPËRISË, PËR TË MARRË PJESË NË OPERACIONIN “ALTHEA” TË BASHKIMIT EUROPIAN

Në mbështetje të neneve 12, pika 3, dhe 101 të Kushtetutës, me propozimin e Ministrit të Mbrojtjes, Këshilli i Ministrave

VENDOSI:

Neni 1

Dërgimin në Bosnjë-Hercegovinë, si kontribut i Republikës së Shqipërisë, të një grupi të asgjësimit të municioneve dhe eksplozivëve (AME), të Forcave të Armatosura të Republikës së Shqipërisë, për të marrë pjesë në operacionin “ALTHEA” të Bashkimit Europian, në zbatim të rezolutës nr.1551, datë 9.7.2004 të Këshillit të Sigurimit të Kombeve të Bashkuara.

Neni 2

Ushtarakët, që do të marrin pjesë në operacionin “ALTHEA”, për ditët e qëndrimit në këtë operacion, veç pagës mujore marrin, për vështirësi shërbimi, edhe një shpërblim ditor, në masën që do të caktohet me vendim të Këshillit të Ministrave.

Neni 3

Ligji nr.9315, datë 11.11.2004 “Për dërgimin e kompanisë paqeruajtëse shqiptare në Bosnjë-Hercegovinë, për të marrë pjesë në operacionin “ALTHEA” të Bashkimit Europian”, shfuqizohet.

Neni 4

Ky akt normativ hyn në fuqi menjëherë dhe botohet në Fletoren Zyrtare.

KRYEMINISTRI

Sali Berisha

KOSTJA INDIVIDUALE

Nr. | Kostoja individuale | Nr.i personave | Vlera ditore | Ditë | Shuma/euro | Shuma 000/lekë

I | DIETA | 13 | 70 | 180 | 163800 | 20311