Për shkencën dhe kërkimin shkencor në Republikën e Shqipërisë

Lloji: Ligj

Fletore Zyrtare: nr. 200, datë 2024-11-27

LIGJ

Nr. 109/2024

PËR SHKENCËN DHE KËRKIMIN SHKENCOR NË REPUBLIKËN E SHQIPËRISË

Në mbështetje të neneve 78 dhe 83, pika 1, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Objekti i ligjit

Objekti i këtij ligji është përcaktimi i rregullave dhe i procedurave për organizimin dhe funksionimin

e sistemit të shkencës dhe të kërkimit shkencor në Republikën e Shqipërisë. Ky ligj është i zbatueshëm

për çdo institucion apo entitet, që është pjesë e sistemit të shkencës dhe kërkimit shkencor. Ky ligj është

i zbatueshëm për institucionet e arsimit të lartë për aq kohë sa nuk vjen në kundërshtim me ligjin e arsimit

të lartë.

Neni 2

Qëllimi dhe objektivat

1. Ky ligj ka për qëllim krijimin e kushteve për zhvillimin dhe funksionimin e një sistemi bashkëkohor

të shkencës dhe kërkimit shkencor, dhe rregullimin e garantimin e mundësimit të financimit të këtij

sistemi nga burime të ndryshime financimi, sipas përcaktimeve në këtë ligj.

2. Ligji synon arritjen e objektivave si më poshtë:

a) sigurimin e produkteve të kërkimit shkencor, që mbështesin zhvillimin e qëndrueshëm të vendit,

mbrojtjen e mjedisit dhe të shëndetit publik, si dhe konsolidimin e identitetit dhe mbrojtjen e interesave

kombëtarë;

b) përvetësimin e aftësive dhe të njohurive të reja, transferimin e tyre për përfitimin e përgjithshëm